तीन संसदीय समितिको बैठक बस्दै

Nepal NB News

११ साउन २०८३, सोमवार

काठमाडौं । तीन वटा संसदीय समितिको बैठक आज बस्दै छ ।

सोमबार शिक्षा, स्वास्थ्य तथा सूचना प्रविधि समिति, विकास, आर्थिक मामिला तथा सुशासन समिति र सार्वजनिक नीति तथा प्रत्यायोजित विधायन समितिको बैठक बस्न लागेको हो ।

दिउँसो २ बजे बस्ने शिक्षा, स्वास्थ्य तथा सूचना प्रविधि समितिको बैठकमा ‘राष्ट्रिय चिकित्सा शिक्षा ऐन, २०७५’ को कार्यान्वयनको अवस्थाका बारेमा छलफल हुने कार्यक्रम रहेको छ ।

त्यसैगरी, बिहान ११ बजे विकास, आर्थिक मामिला तथा सुशासन समितिको बैठक बस्नेछ । बैठकमा समितिको आर्थिक वर्ष २०८३÷८४ को वार्षिक कार्ययोजना सम्बन्धमा विस्तृत छलफल हुनेछ ।

यस्तै, बिहान ११ः३० बजे बस्ने सार्वजनिक नीति तथा प्रत्यायोजित विधायन समितिको बैठकमा त्रिभुवन विश्वविद्यालय, कीर्तिपुरको केन्द्रीय इतिहास विभागका पदाधिकारीहरूसँग छलफल गर्ने कार्यसूची छ ।

प्रकाशित : ११ साउन २०८३, सोमवार 11:55